ತುಮಕೂರು ನಗರ ಜೆಡಿಎಸ್ ಅಭ್ಯರ್ಥಿಯಾದ ಗೋವಿಂದರಾಜು ಅವರು ಬೃಹತ್ ಮಟ್ಟದ ರೋಡ್ ಷೋ ಮಾಡುವುದರೊಂದಿಗೆ ಮತ ಯಾಚನೆ ಮಾಡಿದರು.
ಮೊದಲಿಗೆ ಮರಳೂರು ದಿಣ್ಣೆ ಸದಾಶಿವನಗರ ರಸ್ತೆ ಗಂಗಸಂದ್ರ ಧನಃ ಪ್ಯಾಲೇಸ್ ವರೆಗೂ ಬೃಹತ್ ಸಂಖ್ಯೆಯ ಕಾರ್ಯಕರ್ತರೊಂದಿಗೆ ರೋಡ್ ಷೋ ಮಾಡುತ್ತಾ ಜೆಡಿಎಸ್ ನ ಪಂಚರತ್ನ ಯೋಜನೆಗಳ ಕುರಿತು ಜನರಲ್ಲಿ ಜಾಗೃತಿ ಮೂಡಿಸುವುದರೊಂದಿಗೆ ಮತ ಯಾಚಿಸಿದರು.
ಪಂಚರತ್ನ ಯೋಜನೆಗಳು ಸಾಕಾರಾಗೊಳ್ಳಬೇಕು ಎಂದರೆ ಜೆಡಿಎಸ್ ಪಕ್ಷದ ಅಭ್ಯರ್ಥಿಗಳನ್ನು ಹೆಚ್ಚು ಸಂಖ್ಯೆಯಲ್ಲಿ ಗೆಲ್ಲಿಸಿ ಜೆಡಿಎಸ್ ಸರ್ಕಾರ ಅಧಿಕಾರಕ್ಕೆ ಬರುವಂತೆ ಮಾಡುವುದು ಜನರ ಕೈಯಲ್ಲಿದೆ ಎಂದರು.
ಮುಂದುವರೆದು ತುಮಕೂರು ನಗರದಲ್ಲಿ ಕಳೆದ ಐದು ವರ್ಷಗಳಲ್ಲಿ ಯಾವುದೇ ರೀತಿಯಾದ ಅಭಿವೃದ್ಧಿ ಮಾಡದ ಬಿಜೆಪಿ ಅಭ್ಯರ್ಥಿ ಯಾವ ಮುಖವಿಟ್ಟುಕೊಂಡು ಮತ ಕೇಳುತ್ತಿದ್ದರೋ ಗೊತ್ತಿಲ್ಲ ಅವರು ಇದು ವರೆಗೂ ನೀಡಿರುವ ಎಲ್ಲಾ ಭರವಸೆಗಳು ಯಾವುದೂ ಸಕಾರವಾಗಿಲ್ಲ ಮುಂದೆಯೂ ಅವರು ಸುಳ್ಳು ಭರವಸೆಗಳನ್ನೇ ನೀಡುತ್ತಾರೆ ಹಾಗಾಗಿ ಜನರು ಜಾಗೃತರಾಗಿ ಮತ ಚಲಾಯಿಸಬೇಕು ಎಂದು ಹೇಳಿದರು.
ಈ ಸಂದರ್ಭದಲ್ಲಿ ಪಾಲಿಕೆ ಸದಸ್ಯರುಗಳಾದ ಮನು, ಧರಣೇಂದ್ರ ಕುಮಾರ್, ಹೆಚ್ ಡಿಕೆ ಮಂಜುನಾಥ್ ಸೇರಿದಂತೆ ಹಲವಾರು ಕಾರ್ಯಕರ್ತರು ಭಾಗವಹಿಸಿದ್ದರು.