ತುಮಕೂರು ಜಿಲ್ಲೆಯ, ಗುಬ್ಬಿ ತಾಲ್ಲೂಕು, ನಿಟ್ಟೂರು ಹೋಬಳಿ, ವಿರುಪಾಕ್ಷಿಪುರ ಗ್ರಾಮದ ಶಿವರಾಜು ಎಂಬುವವರು ಸರ್ವೇ no 38 ರಲ್ಲಿ 3ಎಕರೆ ಜಮೀನಿನಲ್ಲಿ ರಾಗಿ ಬೆಳೆದಿದ್ದು ಕಟಾವು ಮಾಡಿರುತ್ತಾರೆ ಸತತ 3 ದಿನದಿಂದ ಸುರಿಯುತ್ತಿರುವ ಮಳೆಯಿಂದಾಗಿ ರಾಗಿ ಬೆಳೆಯೆಲ್ಲಾ ಸಂಪೂರ್ಣವಾಗಿ ನೆನೆದು ನಾಶವಾಗಿರುತ್ತವೆ.
ಬೆಳೆ ಬೆಳೆಯಲು ಸಾಲ ಮಾಡಿ ವ್ಯವಸಾಯ ಮಾಡಿರುವ ಬಡ ರೈತ ಈಗ ಬೆಳೆಯೆಲ್ಲಾ ನಾಶವಾಗಿದೆ ಸಾಲ ತೀರಿಸಲು ಆಗುತ್ತಿಲ್ಲ ಜೀವನ ಹೇಗೆ ಮಾಡುವುದೆಂದು ಕಂಗಾಲಾಗಿರುತ್ತಾರೆ.
ಹೀಗೆ ತುಮಕೂರು ಜಿಲ್ಲೆಯ ನಾನಾ ಭಾಗದಲ್ಲಿ ಈ ರೀತಿಯಾದ ಬೆಳೆ ನಾಶಗಳಾಗಿದ್ದು ತಿಳಿದು ಬರುತ್ತಿವೆ. ಕೆಲ ಅಧಿಕಾರಿಗಳು ಜಮೀನಿಗೆ ಸಂಬಂಧಿಸಿದ ದಾಖಲಾತಿಗಳನ್ನು ಮಾಡಿಕೊಡುತ್ತಿಲ್ಲ, ಪರಿಹಾರ ಪಡೆಯಲು ಮಾತ್ರ ದಾಖಲಾತಿ ಕೇಳುತ್ತಾರೆ ಎಲ್ಲಿಂದ ಕೊಡುವುದು ಎಂದು ಬೇಸರವನ್ನು ರೈತರು ತಮ್ಮ ಅಳಲನ್ನು ತೋಡಿಕೊಳ್ಳುತ್ತಿರುವ ದೃಶ್ಯಗಳು ಕಾಣ ಸಿಗುತ್ತಿವೆ.