ತುಮಕೂರು:ಜಿಲ್ಲಾ ವಕೀಲರ ಸಂಘದ ಆವರಣದಲ್ಲಿ ವಿಧಾನ ಪರಿಷತ್ ಸದಸ್ಯ ಆರ್.ರಾಜೇಂದ್ರ ಅಭಿಮಾನಿಗಳು ಮತ್ತು ಸ್ನೇಹಿತರು ಜೆ.ಕೆ.ಅನಿಲ್ ನೇತೃತ್ವದಲ್ಲಿ ವಕೀಲರುಗಳು ತುಮಕೂರು ಜಿಲ್ಲಾ ವಕೀಲರ ಸಂಘದ ಸದಸ್ಯರುಗಳಿಗೆ ಸಿಹಿ ಹಂಚಿ ಸಂಭ್ರಮಿಸಿದರು.
ಈ ಸಂದರ್ಭದಲ್ಲಿ ಮಾಜಿ ಜಿಲ್ಲಾ ವಕೀಲರ ಸಂಘದ ಅಧ್ಯಕ್ಷ ಮತ್ತು ಹಿರಿಯ ವಕೀಲ ಜೆ.ಕೆ.ಅನಿಲ್ ರವರು ಮಾತನಾಡಿ ಆರ್.ರಾಜೇಂದ್ರರವರು ನಮ್ಮ ವಕೀಲರ ಸಂಘದ ಸದಸ್ಯರು,ಕೋವಿಡ್ ನಂತಹ ಕ್ಲಷ್ಟಕರ ಪರಿಸ್ಥಿತಿಯಲ್ಲಿ ವಕೀಲರು ಸೇರಿದಂತೆ ಹಲವಾರು ಜನರಿಗೆ ಸಹಾಯಹಸ್ತ ಚಾಚಿದ್ದಾರೆ,ಬಡವರಿಗೆ,ಆಟೋ ಚಾಲಕರಿಗೆ,ವೃದ್ಧರಿಗೆ ಪ್ರತಿನಿತ್ಯ ದಾಸೋಹವನ್ನು ಏರ್ಪಡಿಸಿ ಎಲ್ಲರ ಮನಗೆದ್ದಿದ್ದಾರೆ ಅಂತಹ ಯುವ ಹೃದಯವಂತರು ವಿಧಾನಪರಿಷತ್ ಚುನಾವಣೆಯಲ್ಲಿ ಗೆದ್ದಿರುವುದು ನಮ್ಮ ತುಮಕೂರು ಜಿಲ್ಲಾ ವಕೀಲರ ಸಂಘಕ್ಕೆ ಹೆಮ್ಮೆ ಮತ್ತು ಎಲ್ಲರಿಗೂ ಸ್ಪೂರ್ತಿ ಎಂದು ಹೇಳಿದರು.
ನಂತರ ಹಿರಿಯ ವಕೀಲರಾದ ಚಿಕ್ಕರಂಗೇಗೌಡರವರು ಮಾತನಾಡಿ ಆರ್.ರಾಜೇಂದ್ರರವರು ಡಿಸಿಸಿ ಬ್ಯಾಂಕ್ ನಿರ್ದೇಶಕರಾಗಿ,ಕಾಂಗ್ರೆಸ್ ನ ಹಲವು ಹುದ್ದೆಗಳನ್ನು ಅಲಂಕರಿಸಿ ಜವಾಬ್ದಾರಿ ಹುದ್ದೆಗಳನ್ನು ನಿಭಾಯಿಸಿದ್ದು ಜನರ ಪರ ಜನಪರ ಕಾರ್ಯಕ್ರಮಗಳನ್ನು ರೂಪಿಸುವ ಕನಸು ಹೊಂದಿದ್ದಾರೆ ಅವರು ವಿಧಾನಪರಿಷತ್ ಚುನಾವಣೆಯಲ್ಲಿ ಗೆದ್ದಿರುವುದು ನಮಗೆಲ್ಲ ಹೆಮ್ಮೆ ಎಂದು ಹೇಳಿದರು.
ಈ ಸಂದರ್ಭದಲ್ಲಿ ಸುಮಾರು ೧೦೦೦ ವಕೀಲರಿಗೆ,ಕಕ್ಷಿದಾರರಿಗೆ ಸಿಹಿ ಹಂಚಿ ಸಂಭ್ರಮಿಸಿದರು.ಎಲ್ಲ ವಕೀಲರು,ಮಹಿಳಾ ವಕೀಲರು ರಾಜೇಂದ್ರರವರಿಗೆ ಶುಭಕೋರಿದರು.
ಈ ಕಾರ್ಯಕ್ರಮದಲ್ಲಿ ಆರ್.ಪಾತಣ್ಣ, ಗಿರೀಶ್, ನಾಗೇಶ್, ಶಿವಮಹದೇವಯ್ಯ, ರಮೇಶ್, ರಾಮಾಂಜನಪ್ಪ, ರಘು, ಬಿ.ಆರ್.ರಾಮಕೃಷ್ಣಯ್ಯ, ನರಸಿಂಹಯ್ಯ, ಎಸ್.ಎಂ.ಕೃಷ್ಣಮೂರ್ತಿ, ಸೋಮಶೇಖರ್, ಲೋಹಿತ್, ಹರೀಶ್, ವಿರೂಪಾಕ್ಷ ಮುಂತಾದವರು ಹಾಜರಿದ್ದರು.