ತುಮಕೂರು : ತುಮಕೂರು ನಗರದ ಶ್ರೀ ಪಾಂಡುರಂಗ ಸ್ವಾಮಿ ದೇವಾಲಯದಲ್ಲಿ ಭಾವಸಾರ ಯುವ ಬ್ರಿಗೇಡ್ ವತಿಯಿಂದ ಸೋಮವಾರ ಶ್ರೀ ಕೃಷ್ಣ ಜನ್ಮಾಷ್ಠಮಿ ಆಚರಿಸಲಾಯಿತು.
ನಗರದ ವಿವಿಧ ಬಡಾವಣೆಗಳಿಂದ ಆಗಮಿಸಿದ್ದ ಹಲವಾರು ಮಕ್ಕಳು ರಾಧೆ ಕೃಷ್ಣನ ವೇಷಧರಿಸಿ ಕಣ್ಮನ ಸೆಳೆದರು.
ಭಾಗವಹಿಸಿದ್ದ ಎಲ್ಲ ಮಕ್ಕಳಿಗೂ ಭಾವಸಾರ ಯುವ ಬ್ರಿಗೇಡ್ ವತಿಯಿಂದ ಬಹುಮಾನ ನೀಡಲಾಯಿತು.
ಭಾವಸಾರ ಯುವ ಬ್ರಿಗೇಡ್ ನ ಸಂಸ್ಥಾಪಕ ಅಧ್ಯಕ್ಷರಾದ ನಾಗೇಶ್ ವಿ.ಬಿ. ತೇಲ್ಕರ್ ಮಾತನಾಡಿ ಕರೊನಾ ಹಿನ್ನಲೆಯಲ್ಲಿ ಈ ಭಾರಿ ಕಾರ್ಯಕ್ರಮವನ್ನು ಸರಳವಾಗಿ ಆಚರಿಸಲಾಗಿದ್ದು ಮುಂಬರುವ ದಿನಗಳಲ್ಲಿ ಅದ್ದೂರಿಯಾಗಿ ಆಚರಣೆ ಮಾಡಲಾಗುವುದು ಎಂದರು.
ಅಖಿಲ ಭಾರತ ಭಾವಸಾರ ಕ್ಷತ್ರಿಯ ಮಹಾಸಭಾದ ರಾಜ್ಯ ಹಿರಿಯ ಉಪಾಧ್ಯಕ್ಷರಾದ ಗುರು ಪ್ರಸಾದ್ ಪಿಸ್ಸೆ ಮಾತನಾಡಿ ಯುವ ಬ್ರಿಗೇಡ್ ನಿಂದ ನಡೆಯುವ ಸಮಾಜಮುಖಿ ಕಾರ್ಯಕ್ರಮಗಳಿಗೆ ಸಂಪೂರ್ಣ ಬೆಂಬಲ ನೀಡುವುದಾಗಿ ಭರವಸೆ ನೀಡಿದರು.
ಪಾಂಡುರಂಗ ಪತ್ತಿನ ಸಹಕಾರ ಸಂಘದ ನಿರ್ದೇಶಕರಾದ ಸುಬ್ರಹ್ಮಣ್ಯ ರಾವ್ ಅಂಬೇಕರ್ ಹಾಗೂ ಯುವ ಬ್ರಿಗೇಡ್ ನ ಪದಾಧಿಕಾರಿಗಳಾದ ಟಿ.ಕೆ.ವಿನುತ್ ಸುಲಾಖೆ,, ಸೌಮ್ಯಶ್ರೀ, ಟಿ.ಕೆ. ಗಗನ್ ಸುಲಾಖೆ , ಯದುನಂದನ್ ಪಿಸ್ಸೆ, ಶೃತಿ, ಡಾ. ವಿನಯ್ ಸುತ್ರಾವೆ ಮತ್ತಿತರರು ಹಾಜರಿದ್ದರು.