ತುಮಕೂರು ವಿಶ್ವವಿದ್ಯಾನಿಲಯ ಕಲಾ ಕಾಲೇಜಿನಲ್ಲಿ 2021-22ನೇ ಸಾಲಿನ ಪ್ರಥಮ ಬಿಎ/ಬಿಎಸ್‌ಡಬ್ಲ್ಯು / ಬಿಕಾಂ/ ಬಿಬಿಎ/ ಬಿವಿಎ ಪದವಿ ತರಗತಿಗಳ ಪ್ರವೇಶ ಪ್ರಕ್ರಿಯೆ ಆರಂಭವಾಗಿದ್ದು, ಪ್ರವೇಶ ಬಯಸುವ ಅರ್ಹ ವಿದ್ಯಾರ್ಥಿಗಳು htttps://onlinetut.in/ucatut/ ಮೂಲಕ ಆನ್ಲೈನ್ ಅರ್ಜಿ ಸಲ್ಲಿಸಬೇಕಿರುತ್ತದೆ. ಅರ್ಜಿ ಸಲ್ಲಿಸಲು ದಿನಾಂಕ: 06-09-2021 ಕೊನೆಯ ದಿನವಾಗಿರುತ್ತದೆ.
ರೂ. 50 ಅರ್ಜಿ ಶುಲ್ಕವಿರುತ್ತದೆ. ಎಸ್.ಎಸ್.ಎಲ್.ಸಿ. ಅಂಕಪಟ್ಟಿ/ಜನ್ಮದಿನಾಂಕ ದಾಖಲೆ, ಆಧಾರ್ ಕಾರ್ಡ್, ಪಿಯುಸಿ ಅಂಕಪಟ್ಟಿ., ನಡತೆ ಪ್ರಮಾಣಪತ್ರ/ ಪ್ರಮಾಣ ಪತ್ರ, ಜಾತಿ/ಆದಾಯ ಪ್ರಮಾಣಪತ್ರಗಳನ್ನು ಪೂರಕ ದಾಖಲೆಗಳಾಗಿ ಆನ್‌ಲೈನ್‌ನಲ್ಲಿ ಸಲ್ಲಿಸಬೇಕು. ಸಲ್ಲಿಸಿದ ಅರ್ಜಿಯ ಮುದ್ರಿತ ಪ್ರತಿಯನ್ನು ಇಟ್ಟುಕೊಂಡು ಪ್ರವೇಶ ಸಂದರ್ಭದಲ್ಲಿ ನಿಗದಿತ ದಾಖಲೆಗಳೊಂದಿಗೆ ಕಾಲೇಜಿಗೆ ಸಲ್ಲಿಸಬೇಕು.
ಅರ್ಜಿ ಸಲ್ಲಿಸಿದ ವಿದ್ಯಾರ್ಥಿಗಳ ಜ್ಯೇಷ್ಠತಾ ಪಟ್ಟಿಯನ್ನು ದಿನಾಂಕ: 08-09-2021 ರಂದು ಕಾಲೇಜಿನಲ್ಲಿ ಹಾಗೂ ವಿಶ್ವವಿದ್ಯಾನಿಲಯದ ವೆಬ್ಸೈಟ್ www.tumkuruniversity.ac.in ನಲ್ಲಿ ಪ್ರಕಟಿಸಲಾಗುವುದು. ಆಕ್ಷೇಪಣೆಗಳನ್ನು ಸಲ್ಲಿಸಲು ದಿನಾಂಕ: 09-09-2021 ಕೊನೆಯ ದಿನವಾಗಿರುತ್ತದೆ. ದಿನಾಂಕ: 11-09-2021 ರಂದು ಅಂತಿಮ ಜ್ಯೇಷ್ಠತಾ ಪಟ್ಟಿ ಮತ್ತು ಆಯ್ಕೆ ಪಟ್ಟಿಯನ್ನು ಪ್ರಕಟಿಸಲಾಗುವುದು. ದಿನಾಂಕ: 13-09-2021 ರಿಂದ 15-09-2021 ರವರೆಗೆ ಬಿಎ/ ಬಿಎಸ್‌ಡಬ್ಲ್ಯೂ/ಬಿವಿಎ ಕೋರ್ಸುಗಳಿಗೆ ಆಯ್ಕೆ ಪಟ್ಟಿಯಂತೆ ಪ್ರವೇಶ ನೀಡಲಾಗುವುದು. ದಿನಾಂಕ: 16-09-2021 ರಿಂದ 18-09-2021ರವರೆಗೆ ಬಿಕಾಂ/ಬಿಬಿಎ ಕೋರ್ಸುಗಳಿಗೆ ಆಯ್ಕೆ ಪಟ್ಟಿಯಂತೆ ಪ್ರವೇಶ ನೀಡಲಾಗುವುದು. ಉಳಿದ ಸೀಟುಗಳಿಗೆ ದಿನಾಂಕ: 20-09-2021 ರಿಂದ 22-09-2021 ರವರೆಗೆ ಪ್ರವೇಶ ಪ್ರಕ್ರಿಯೆ ನಡೆಯಲಿದೆ.
ಹೆಚ್ಚಿನ ಮಾಹಿತಿಗಳಿಗೆ ತುಮಕೂರು ವಿಶ್ವವಿದ್ಯಾನಿಲಯದ ವೆಬ್ಸೈಟ್ ಅನ್ನು ವೀಕ್ಷಿಸಲು ಕೋರಿದೆ.