ತುಮಕೂರು : ಕಡಬ ಅಹೋಬಲ ಯೋಗಾನಂದ ಟ್ರಸ್ಟ್, ಕಡಬ. ವಿವೇಕ ಸಿದ್ಧ ಸಂಸ್ಕೃತ ಪಾಠಶಾಲೆ. ಶ್ರೀನಿವಾಸ ಪದ್ಮಾವತಿ ಸಂಸ್ಕೃತ ವೇದ ಪಾಠಶಾಲಾ, ಕ್ಯಾತ್ಸಂದ್ರ. ಸದ್ವಿದ್ಯಾ ಸಂಸ್ಕೃತ ಪಾಠಶಾಲಾ, ಎಲೆರಾಂಪುರ. ಶ್ರೀ ಲಕ್ಷ್ಮೀ ನರಸಿಂಹ ವೇದಾಗಮ ಪಾಠಶಾಲಾ, ಎಲೆರಾಂಪುರ ಇವರ ಸಂಯುಕ್ತಾಶ್ರಯದಲ್ಲಿ ಸಂಸ್ಕೃತೋತ್ಸವ -2024 ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು.
ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ಡಾ. ಹನುಮಂತನಾಥ ಸ್ವಾಮಿಗಳು ಸಂಸ್ಕೃತ ಭಾಷೆಯ ಮಹತ್ವ, ಸಂಸ್ಕೃತ ಹಿತೋಪದೇಶವನ್ನು ಮಕ್ಕಳಿಗೆ ಬೋಧನೆ ಮಾಡಿದರು. ಈ ಸಂದರ್ಭದಲ್ಲಿ ಅಧ್ಯಯನ ಮಾಡಿದ ಮಕ್ಕಳಿಗೆ ಪ್ರಶಂಸನೆ ಪತ್ರವನ್ನು ವಿತರಣೆ ಮಾಡಿದರು.
ಕಾರ್ಯಕ್ರಮಕ್ರಮದ ಅಧ್ಯಕ್ಷತೆಯನ್ನು ಪಾಲಾಕ್ಷ, ವಹಿಸಿದ್ದರು. ಈ ಕಾರ್ಯಕ್ರಮದಲ್ಲಿ ಸಂಚಾಲಕರಾದ ವಿದ್ವಾನ್. ಬಿ. ಎಸ್. ಶೇಷಾದ್ರಿ , ಡಾ. ಜಿ. ಎಸ್. ಸುಧಾಕರ ಶರ್ಮ, ರವೀಂದ್ರ ನಾಥ್, ಗೋವಿಂದರಾಜು, ರಘು, ಎಲ್ಲಾ ಶಾಲಾ ಸಿಬ್ಬಂದಿವರ್ಗ, ಕಡಬ ಗ್ರಾಮದ ವಿದ್ವಾಂಸರು, ಹಿರಿಯ ವಿದ್ಯಾರ್ಥಿಗಳು ಭಾಗವಹಿಸಿದ್ದರು.