ತುಮಕೂರು: ಅಕ್ರಮವಾಗಿ ಗಾಂಜಾ ಮಾರಾಟ ಮಾಡುತ್ತಿದ್ದ ಇಬ್ಬರು ಆರೋಪಿಗಳನ್ನು ತುಮಕೂರು ಪೊಲೀಸರು ಬಂಧಿಸಿ ಜೈಲಿಗಟ್ಟಿದ್ದಾರೆ.
ನಗರದ ರಿಂಗ್ ರಸ್ತೆಯ ಅಮ್ಜಾ ನಗರದ ಲಾರಿ ಶೆಡ್ ಬಳಿ ಅಕ್ರಮವಾಗಿ ಲಾಭಗಳಿಸುವ ದೃಷ್ಟಿಯಿಂದ ಗಾಂಜಾ ಮಾರಾಟ ಮಾಡುತ್ತಿರುವ ಬಗ್ಗೆ ಖಚಿತ ಮಾಹಿತಿ ಪಡೆದ ಪೊಲೀಸರು ಮಿಂಚಿನ ದಾಳಿ ನಡೆಸಿ ಅಕ್ರಮವಾಗಿ ಗಾಂಜಾ ಮಾರಾಟ ಮಾಡುತ್ತಿದ್ದ ಇಬ್ಬರು ಆರೋಪಿಗಳನ್ನು ಬಂಧಿಸಿ ಬಂಧಿತರಿಂದ ಸುಮಾರು 70 ಸಾವಿರ ಮೌಲ್ಯದ 2 ಕೆ.ಜಿ. 150 ಗ್ರಾಂ ಗಾಂಜಾ ವಶಪಡಿಸಿಕೊಂಡಿದ್ದಾರೆ.
ಬಂಧಿತರನ್ನು ನಗರದ ಜಯಪುರದ ನಯೀಂ ಅಹಮದ್ ಬಿನ್ ಬಷೀರ್ ಅಹಮದ್ 33 ವರ್ಷ ಹಾಗೂ ಗಾಂಧಿನಗರದ ರೋಷನ್ ಸಮೀರ್ ಬಿನ್ ಮಕ್ಬೂಲ್ ಹುಸೇನ್ ಎಂದು ಗುರುತಿಸಲಾಗಿದೆ.
ಅಕ್ರಮ ಗಾಂಜಾ ಮಾರಾಟ ಮಾಡುತ್ತಿದ್ದ ವ್ಯಕ್ತಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾದ ಸಿ.ಇ.ಎನ್. ಪೋಲಿಸ್ ಠಾಣೆಯ ಸಿಪಿಐ ರಾಮಕೃಷ್ಣಯ್ಯ, ಎಸ್.ಐ.ಶಮೀನ್ ಹಾಗೂ ಸಿಬ್ಬಂದಿಗಳಾದ ಸೈಮನ್ ವಿಕ್ಟರ್, ದ್ವಾರಕೀಶ್ , ಚಿಕ್ಕಣ್ಣ ರಾಜಕುಮಾರ್, ನಟರಾಜ್ ಕಿರಣ್ ಕುಮಾರ್ ಮುಂತಾದವರನ್ನು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕೆ ವಿ ಅಶೋಕ್ ಶ್ಲಾಘಿಸಿದ್ದಾರೆ.
