ಗ್ರಾಮಾಂತರ ಮನೆಮಗನಿಗೆ ಚುನಾವಣಾ ದೇಣಿಗೆ ನೀಡಿದ ಮಹಿಳೆಯರು.
ತುಮಕೂರು ಗ್ರಾಮಾಂತರದ ಶೆಟ್ಟಪ್ಪನಹಳ್ಳಿ ಗ್ರಾಮಕ್ಕೆ ಶಾಸಕರಾದ ಡಿಸಿ ಗೌರಿಶಂಕರ್ ಅವರು ಚುನಾವಣಾ ಪ್ರಚಾರ ಕಾರ್ಯಕೆಂದು ಬೇಟಿ ನೀಡಿದ್ದ ಸಂದರ್ಭದಲ್ಲಿ ಗ್ರಾಮದ ಮಹಿಳೆಯರು, ಹಿರಿಯರು ಗ್ರಾಮಾಂತರ ಮನೆ ಮಗ ಗೌರಿಶಂಕರ್ ಅವರಿಗೆ ವೈಯಕ್ತಿಕವಾಗಿ ತಾವುಗಳು ಕಷ್ಟಪಟ್ಟು ದುಡಿದು ಕೂಡಿಟ್ಟಂತಹ ಹಣವನ್ನು ದೇಣಿಗೆಯಾಗಿ ನೀಡಿದ್ದಾರೆ.
ದೇಣಿಗೆ ನೀಡಿದ್ದಲ್ಲದೇ ತಮಗೆ ಯಾವುದೇ ರೀತಿಯ ಸಂದೇಹ ಬೇಡ ಹದ್ದಿನ ಕಲ್ಲು ಶ್ರೀ ಆಂಜನೇಯ ಸ್ವಾಮಿ ಗ್ರಾಮಾಂತರ ಕ್ಷೇತ್ರದ ದೇವಾನುದೇವತೆಗಳ ಹಾಗೂ ಮತದಾರ ಪ್ರಭುಗಳ ಆಶೀರ್ವಾದ ನಿಮ್ಮ ಮೇಲಿದೆ, ಈ ಬಾರಿಯ ಚುನಾವಣೆಯಲ್ಲಿ ನೀವು ಭರ್ಜರಿ ಮತಗಳ ಅಂತರದಲ್ಲಿ ಗೆಲವು ಸಾಧಿಸುತ್ತೀರೆಂದು ಧೈರ್ಯ ತುಂಬಿ ಹರಿಸಿ ಹಾರೈಸಿದರು.
ಇನ್ನುಳಿದಂತೆ ತಾವು ನೀಡಿರುವ ಧೇಣಿಗೆಯಲ್ಲಿಯೇ ನೀವು ಚುನಾವಣಾ ಠೇವಣಿಯನ್ನು ಇಟ್ಟು, ನಮ್ಮ ಭರವಸೆಯನ್ನು ಈಡೇರಿಸಬೇಕೆಂದು ಹೇಳಿದರು.