ನನ್ನ ಗೂಡು ಬಿಟ್ಟು ಹೋಗೋವುದಿಲ್ಲ ಎಂದ ಜೆಡಿಎಸ್ ಕಟ್ಟಾಳು ನರಸೇಗೌಡ
ಹಲವಾರು ತಿಂಗಳುಗಳಿಂದ ತುಮಕೂರು ಜೆಡಿಎಸ್ ಇಂದ ಬಹುತೇಕ ದೂರವಿದ್ದು ತಮ್ಮ ಅಸಮಾಧಾನವನ್ನು ಹಲವಾರು ಬರಿ ಹೊರ ಹಾಕಿದ್ದ ಜೆಡಿಎಸ್ ನ ಹಿರಿಯ ನಾಯಕ ಬಿ ನರಸೇಗೌಡ ಅವರು ತುಮಕೂರು ನಗರ ಅಭ್ಯರ್ಥಿ ಗೋವಿಂದರಾಜು ಮೇಲೆ ಸಾಕಷ್ಟು ಬೇಸರವನ್ನು ಹೊರ ಹಾಕಿದ್ದರು
ಕಳೆದ ಪಂಚಾರತ್ನ ಯಾತ್ರೆಯು ತುಮಕೂರು ನಗರಕ್ಕೆ ಆಗಮಿಸಿದ್ದ ವೇಳೆ ಕುಮಾರಸ್ವಾಮಿ ಅವರು ನರಸೇಗೌಡರ ಮನೆಗೆ ತೆರಳಿ ಗೋವಿಂದರಾಜು ಅವರೇ ನರಸೇಗೌಡ ಅವರನ್ನು ಒಳಗೊಂಡಂತೆ ಎಲ್ಲರನ್ನೂ ವಿಶ್ವಾಸಕ್ಕೆ ತೆಗೆದುಕೊಂಡು ತಾವು ಚುನಾವಣೆ ಎದುರಿಸಿ ಎಂದು ಕಿವಿ ಮಾತು ಹೇಳಿದ್ದರು ಎನ್ನಲಗಿತ್ತು ಆದರೆ ಗೋವಿಂದರಾಜು ಅವರು ತಮ್ಮನ್ನು ವಿಶ್ವಾಸಕ್ಕೆ ತೆಗೆದುಕ್ಕೊಳುತ್ತಿಲ್ಲ ಎಂಬ ಬೇಜಾರು ನರಸೇಗೌಡ್ರಿಗೆ ತುಂಬಾ ಕಾಡುತ್ತಿತ್ತು ಹಾಗಾಗಿ ಅವರು ಸ್ವಂತಂತ್ರ ಅಭ್ಯರ್ಥಿಯಾಗಿ ಚುನಾವಣೆಗೆ ನಿಲ್ಲಲು ಸಿದ್ದರಾಗಿದ್ದರು ಅಲ್ಲದೆ ನಾಮಪತ್ರವನ್ನು ಸಹ ಸಲ್ಲಿಸಿದ್ದರು
ದಿನಾಂಕ 20-04-2023 ರಂದು ತಮ್ಮ ಅಪಾರ ಬೆಂಬಲಿಗರೊಂದಿಗೆ ಶಕ್ತಿ ಪ್ರದರ್ಶನ ಮೂಲಕ ಮತ್ತೊಮ್ಮೆ ನಾಮಪತ್ರ ಸಲ್ಲಿಸುವ ಕಾರ್ಯಕ್ರಮವಿತ್ತು ಆದರೆ ಬುಧವಾರ ತಡರಾತ್ರಿ ಜೆಡಿಎಸ್ ಗ್ರಾಮಾಂತರ ಶಾಸಕರಾದ ಗೌರಿಶಂಕರ್ ಹಾಗೂ ನಗರ ಜೆಡಿಎಸ್ ಅಭ್ಯರ್ಥಿ ಗೋವಿಂದರಾಜು ಒಳಗೊಂಡಂತೆ ಹಲವಾರು ಜೆಡಿಎಸ್ ಕಾರ್ಯಕರ್ತರು ನರಸೇಗೌಡರ ಮನವೊಲಿಸಿ ತಮ್ಮ ಗೂಡು ಬಿಟ್ಟು ಹೋಗದೆ ಇರುವಂತೆ ಮಾಡುವಲ್ಲಿ ಸಪಾಲರಾಗಿದ್ದಾರೆ
ಇದರಿಂದ ಗೋವಿಂದರಾಜು ಅವರ ಗೆಲುವಿನ ಹಾದಿ ಸುಗಮವಾಗಿದೆ ಎಂದು ಜೆಡಿಎಸ್ ಕಾರ್ಯಕರ್ತರು ತಡರಾತ್ರಿ ತಮ್ಮ ಸಂಭ್ರಮವನ್ನು ಆಚರಿಸಿಕೊಂಡರು