ತುಮಕೂರು ಜಿಲ್ಲಾ ಸವಿತಾ ಸಮಾಜ ರಿ., ಮತ್ತು ತುಮಕೂರು ತಾಲ್ಲೂಕು ಮತ್ತು ನಗರ ಸವಿತಾ ಸಮಾಜದ ಆಶ್ರಯದಲ್ಲಿ ಯುವ ಪಡೆ ಎಂಬ ನೂತನ ಪಡೆಯೊಂದು ರಚನೆಯಾಗಿದ್ದು ಇದರ ಮುಂದಾಳತ್ವವನ್ನು ಕಟ್‌ವೆಲ್ ರಂಗನಾಥ್‌ರವರು ಮುನ್ನಡೆಸುತ್ತಿದ್ದಾರೆ.
ಈ ಯುವ ಪಡೆಯು ತುಮಕೂರು ತಾಲ್ಲೂಕು ದೇವರಾಯನದುರ್ಗದ ತಪ್ಪಲಿನಲ್ಲಿ ಮತ್ತು ಪರಿಸರದಲ್ಲಿ ೬೭ನೇ ಕನ್ನಡ ರಾಜ್ಯೋತ್ಸವವನ್ನು ಆಚರಿಸಿ, ಮೆಚ್ಚುಗೆಗೆ ಪಾತ್ರರಾದರು. ಕನ್ನಡ ರಾಜ್ಯೋತ್ಸವದ ಅಂಗವಾಗಿ ನಾಡಗೀತೆ, ನಿತ್ಯೋತ್ಸವ ಗೀತೆ ಹಾಗೂ ಕನ್ನಡದ ಬಾವುಟಗಳನ್ನು ಹಾರಿಸುವುದರೊಂದಿಗೆ ರಾಜ್ಯೋತ್ಸವವನ್ನು ಆಚರಿಸಿದರು.